Пятница 26 апреля 2019 года | 13:51
  • бел / рус
  • eng

Канвенцыя – супраць страхаў, бар’ераў і стыгм (ФОТА)

27.03.2018  |  Инклюзив   |  Яўгенія Бурштын, ЕўраБеларусь,  
Канвенцыя – супраць страхаў, бар’ераў і стыгм (ФОТА) Фота Службы інфармацыі "ЕўраБеларусі"

Ад інфармаванасці залежыць якасць жыцця, вырашылі спецыялісты ў Валожыне, і арганізавалі выяздныя кансультацыі па Канвенцыі аб правах людзей з інваліднасцю ў сельсаветах раёна.

Попыт перавышае прапанову

22 сакавіка такая кансультацыя прайшла ў Ракаве, на ёй распавядалі пра палажэнні Канвенцыі, замацаваныя ў ёй правы і свабоды, механізмы абароны правоў людзей з інваліднасцю, а таксама пра сацыяльныя паслугі, што прадастаўляе Валожынскі ТЦСАН.

Увогуле, Валожын, бадай, лідар у Беларусі па колькасці рэалізаваных праектаў, звязаных з вырашэннем праблем людзей з інваліднасцю. Адзін з найбольш амбітных сярод іх – “Валожын без бар’ераў”, у рамках якога будуецца турыстычная база для людзей з інваліднасцю з усяго свету, якая будзе змяшчаць турзону, хостэл, канферэнц-залу, залу для харчавання. Апроч гэтага цяпер у райцэнтры працуе ўжо 14-ты (!) сацыяльны праект па вырошчванні грыбоў вешанак. Па яго завяршэнні 4 чалавекі, якія працуюць у ім і маюць інваліднасць, атрымаюць ганарары.

З такой актыўнасцю Валожын не мог абмінуць кампанію “Павестка 50”, запушчаную для найбольш паспяховага замацавання Канвенцыі па правах людзей з інваліднасцю ў беларускіх рэгіёнах. І мясцовыя актывісты выйгралі міні-грант Еўразвяза на рэалізацыю праекта “Распаўсюджванне і прымяненне ідэй Канвенцыі”.

Падчас кансультацыі ў Ракаўскім сельвыканкаме. Фота Службы інфармацыі "ЕўраБеларусі"

– У гэтым праекце запланавана правядзенне 7-мі выяздных кансультацый у самых буйных сельсаветах раёна, – распавяла Службе інфармацыі “ЕўраБеларусі” кіраўніца ініцыятывы Ларыса Шчарбачэвіч. – Калі нам удасца сэканоміць сродкі, мы правядзем яшчэ адну, бо яны запатрабаваныя ў людзей, асабліва ў аддаленых вёсках.

“Не трымайце дзяцей дома”

Па словах Ларысы Шчарбачэвіч, людзі мала што ведаюць пра ратыфікацыю Канвенцыі. Слабая інфармаванасць – адна з асноўных праблем, якую вылучылі ўдзельнікі праекта. Таму падчас кансультацый жыхары вёсак Валожынскага раёна ў комплексе знаёмяцца і з заканадаўчай базай, і з арганізацыяй бяспекі жыцця, пра якую распавядаюць прадстаўнікі МНС і МУС, што падключаюцца да такіх выяздных імпрэз, і з паслугамі аддзялення дзённага знаходжання ТЦСАН. У апошнім маладым людзям з інваліднасцю дапамагаюць развіваць працоўныя навыкі, вучаць самаабслугоўванню для самастойнага жыцця, праводзяць сацыяльна-бытавую адаптацыю і заняткі па розных творчых напрамках ажно ў 12 гуртках.

– Спачатку да нас не ішлі, і я магу зразумець бацькоў дзяцей з інваліднасцю – у мяне самой сын з ДЦП, – яны баяліся, – прызнаецца Ларыса Шчарбачэвіч. – Але мама – ёсць мама, і дома ў яе дзіця, якое ў іншым месцы – дарослы самастойны чалавек. Менавіта так ён праяўляецца ў аддзяленні. Ён можа працаваць, дапамагаць даглядаць слабейшых, самарэалізоўвацца.

Ларыса Шчарбачэвіч. Фота Службы інфармацыі "ЕўраБеларусі"

У аддзяленні прадастаўляюць і паслугу “сацыяльнай перадышкі”, якой можна скарыстацца два разы на месяц па суботах. Бацькі могуць зранку прывесці ў цэнтр дзяцей ад 14 год і старэйшых, і да абеду вырашаць свае справы. Праўда, паслуга платная: 3 рублі 68 капеек за гадзіну.

– Прайшоў той час, калі мы трымалі дзяцей каля сябе, жадаючы даць ім лепшае. Цяпер з’явілася шмат даступных паслуг для людзей з інваліднасцю. Нашы дзеці могуць і павінны жыць паўнавартасным жыццём – гэта я кажу з асабістага досведу. Інтэрнат – не выйсце, – пераканана кіраўніца праекта.

Яе падтрымлівае і загадчыца аддзялення першаснага прыёма інфармацыі Валожынскага ТЦСАН Алена Рай.

– У маёй 16-гадовай дачкі інваліднасць, і раней не было куды пайсці з такім дзіцем, усе паказвалі пальцам, і толькі сям’я магла нешта яму даць. Цяпер я магу выйсці на працу, ведаю, што маё дзіця дагледжана, яно можа развіць нейкія здольнасці, самарэалізавацца і быць запатрабаваным у грамадстве. Таму, калі ёсць такая магчымасць, не трымайце дзяцей дома. Яны павінны мець магчымасць сацыялізавацца, працаваць і атрымліваць зарплату, стаж. Гэта вялікі стымул.

Алена Рай. Фота Службы інфармацыі "ЕўраБеларусі"

Алена Рай распавяла і пра іншыя паслугі цэнтра, сярод іх сацыяльная дапамога дома, юрыдычнае кансультаванне, гуманітарная дапамога, платная распілоўка дроваў і абкос падворкаў, матэрыяльная дапамога, забеспячэнне тэхнічнымі сродкамі рэабілітацыі і іх бясплатны пракат, бясплатны пракат дзіцячых прыналежнасцяў, бясплатныя і платныя паслугі няні, сядзелкі, дапамога псіхолагаў, працаўладкаванне.

Змены “ў галовах і душах”

Псіхолаг ТЦСАН Алена Жданюк таксама выязджае на інфармацыйныя мерапрыемствы ў рамках праекта. Яна выступае іх мадэратарам, а заадно і матыватарам, распавядаючы, што інваліднасць – не перашкода для поспеху, а асноўныя бар’еры змяшчаюцца ў нас у галаве. Спецыяльна для гэтага яна падрыхтавала прэзентацыю, у якой прыводзіць прыклады вялікіх людзей з інваліднасцю: пісьменнікаў, спартсменаў (сярод якіх – і беларускія паралімпійцы), пілотаў, мадэляў, прадпрымальнікаў, прамоўцаў, Нобелеўскіх лаўрэатаў…

– Існуе звычка казаць “мы” пра “здаровых” людзей і “яны” – пра людзей з інваліднасцю. Але інваліднасць можа здарыца з кожным, а з ёй – пераход з катэгорыі “мы” ў катэгорыю “яны”. Дзякуючы прыняццю Канвенцыі мы прыйдзем да таго, што гэтая стыгма і дыскрымінацыя паводле прыкметы інваліднасці знікне, – мяркуе псіхолаг.

Алена Жданюк. Фота Службы інфармацыі "ЕўраБеларусі"

Але і цяпер ужо шмат чаго памянялася да лепшага, перакананы ракаўчане. Гэта датычыцца не толькі аказання паслуг, але і стаўлення да людзей з інваліднасцю ў грамадстве, а таксама змены адбыліся “ў нашых галовах і душах”, як зазначыў мясцовы жыхар Іван. У яго сям’і з інваліднасцю дзіцяці сутыкнуліся не адразу, хвароба стала праяўляцца, калі дачка вучылася ў 4 класе. Спачатку спрабавалі спраўляцца сваімі сіламі і мала што ведалі пра магчымасці рэабілітацыі ў раёне. Цяпер дзяўчыне 17 год, яна скончыла школу, і ўжо каля года наведвае аддзяленне ў Валожынскім ТЦСАНе, дзе вучыцца побытавым рэчам і нават выступае на сцэне.

– Яна вырасла, і павінна сацыялізавацца, працаваць, таму вырашылі звярнуцца ў ТЦСАН. Ужо не страшна выносіць гэта ў свет, бо грамадства мяняецца, – распавядае Іван. – Але ўсё роўна павінны існаваць заканадаўчыя нормы, якіх людзі будуць прытрымлівацца, і спадзяюся, што дзякуючы Канвенцыі ўзаемадзеянне грамадства і дзяржавы палепшыцца.

Жыхары вёсак Ракаўскага сельсавета падчас кансультацыі. Фота Службы інфармацыі "ЕўраБеларусі"

Праект ужо дае вынікі

Прадстаўнікі мясцовых уладаў таксама маюць спадзеў на супрацоўніцтва і як могуць падтрымліваюць праект па распаўсюджванні ідэй Канвенцыі. Старшыня Ракаўскага сельвыканкама Аляксандр Мякінка прызнае, што ў раёне існуюць і хібы транспартнага спалучэння, якія няпроста вырашыць, і недахоп інфраструктуры, і шэраг іншых пытанняў. Але мяркуе, што прыняцце Канвенцыі з часам зможа змяніць сітуацыю, калі паступова рэалізоўваць прапісаныя ў ёй палажэнні.

– Канвенцыя – гэта прыступкі, канкрэтна вызначаны план таго, што трэба выканаць, – кажа ён.

Ларыса Шчарбачэвіч зазначае, што праект адразу не зможа закрыць усе пытанні ў раёне, але ён закладзе той інфармацыйны падмурак, на якім можна выконваць пэўныя задачы і атрымліваць канкрэтныя вынікі. Ужо цяпер дзякуючы ініцыятыве спецыялістам цэнтра на месцах удаецца лепш зразумець складанасці і патрэбы людзей з інваліднасцю. Бо ў сельскай мясцовасці яны крыху іншыя, чым у горадзе, дзе людзі больш інфармаваныя і не так востра паўстае пытанне магчымасці дабрацца да той ці іншай установы.

– Пасля кансультацый мы прыйшлі да высновы, што ў Івянцы і, магчыма, у Ракаве арганізуем форму працы, пры якой спецыялісты Валожынскага ТЦСАН будуць выязджаць у гэтыя паселішчы і праводзіць гурткі для людзей з інваліднасцю, каб задзейнічаць іх у сацыяльных праектах. Бо людзям з раёна цяжка дабірацца да нашага цэнтра ў Валожыне, таму, калі будуць ахвотныя, мы створым яго філіял, – абяцае Ларыса Шчарбачэвіч.

Працы, зробленыя рукамі людзей з інваліднасцю ў Валожынскім ТЦСАНе. Фота Службы інфармацыі "ЕўраБеларусі"

***

Матэрыял падрыхтаваны ў межах міжнароднага праекта “Правы людзей з інваліднасцю: парадак дня для Беларусі (Павестка 50)”.

 

Кампанія “Павестка 50” рэалізуецца пры падтрымцы Еўрапейскага звязу ў партнёрстве з Fundacja TUS (Польшча) і грамадскай арганізацыяй “Еўрапейскі дом” (Данія). У Рэалізацыі кампаніі ў Беларусі ўдзельнічаюць Офіс па правах людзей з інваліднасцю, Міжнародны кансорцыюм “ЕўраБеларусь” і Цэнтр еўрапейскай трансфармацыі.

Другие новости раздела «Инклюзив»

Михаил Мацкевич: Как создать местную повестку и сделать ее инструментом решения проблем
Михаил Мацкевич: Как создать местную повестку и сделать ее инструментом решения проблем
Чтобы достичь изменений, нужно быть заинтересованными в них и перестать возлагать все надежды на государство.
«Если человек не может выйти из квартиры, ему не нужен доступный Оперный театр»
«Если человек не может выйти из квартиры, ему не нужен доступный Оперный театр»
В Столбцах рассказали об универсальном дизайне и провели пилотный мониторинг доступности двух городских объектов.
Местная повестка в Воложине: миссия выполнима
Местная повестка в Воложине: миссия выполнима
«Специфика разная, приоритет один». В Воложине подписали локальную стратегию реализации Конвенции ООН по правам людей с инвалидностью.
«Сначала был шок». Как в Щучине шли к решению проблем людей с инвалидностью
«Сначала был шок». Как в Щучине шли к решению проблем людей с инвалидностью
В Щучине подвели итоги кампании «Повестка 50» и подписали местный план действий по реализации Конвенции по правам людей с инвалидностью.
В Столине разработали программу повышения качества жизни людей с инвалидностью
В Столине разработали программу повышения качества жизни людей с инвалидностью
Райцентр стал вторым городом в Беларуси и первым в Брестской области, где подписали местный план реализации принципов Конвенции ООН о правах людей с инвалидностью.
Законопроект о правах людей с инвалидностью: инновации в деталях, архаизм общего подхода
Законопроект о правах людей с инвалидностью: инновации в деталях, архаизм общего подхода
Обсуждение законопроекта «О правах инвалидов и их социальной интеграции» подошло к концу. Какие преимущества и недостатки содержит новый документ?
«Повестка 50» в Беларуси: от стратегий к воплощению
«Повестка 50» в Беларуси: от стратегий к воплощению
Участники кампании «Повестка 50» из пяти пилотных городов обсудили достижения в создании местных повесток по реализации Конвенции о правах людей с инвалидностью.
В Столбцах подписали местный план действий по реализации Конвенции о правах людей с инвалидностью
В Столбцах подписали местный план действий по реализации Конвенции о правах людей с инвалидностью
Примечательно, что из пяти пилотных городов Столбцы последними присоединились к кампании «Повестка 50», но первыми завершили подготовку местной повестки.
Зніжкі на лекі, бясплатны санаторый. Якія ільготы даступныя людзям з інваліднасцю ў Стаўпецкім раёне
Зніжкі на лекі, бясплатны санаторый. Якія ільготы даступныя людзям з інваліднасцю ў Стаўпецкім раёне
У Стоўпцах рэалізуецца праект “Адкрыты дыялог”, мэта якога – праінфармаваць людзей з інваліднасцю аб правах, ільготах, магчымасцях атрымання медыцынскіх, сацыяльных паслуг, мерах дзяржпадтрымкі.
“Павестка 50” у Стоўбцах: нізкапольны аўтобус, гукавыя светлафоры і кансультацыі
“Павестка 50” у Стоўбцах: нізкапольны аўтобус, гукавыя светлафоры і кансультацыі
У Стоўбцах распавялі пра вынікі стварэння лакальнай павесткі для вырашэння праблем людзей з інваліднасцю і прэзентавалі міні-праект “Адкрыты дыялог”.
Ларыса Шчарбачэвіч: Мы будзем развівацца ўстойліва
Ларыса Шчарбачэвіч: Мы будзем развівацца ўстойліва
У Валожыне прадставілі чарнавік мясцовай павесткі і падвялі вынікі рэалізацыі міні-праекта ў рамках кампаніі “Павестка-50”.
Імкнуцца стаць на месца чалавека з інваліднасцю. У Століне прэзентавалі маніторынг дасяжнасці
Імкнуцца стаць на месца чалавека з інваліднасцю. У Століне прэзентавалі маніторынг дасяжнасці
28 траўня ў горадзе прайшла прэзентацыя вынікаў праекту “Роўныя Роўным”, які быў прысвечаны маніторынгу безбар’ернага асяроддзя ў горадзе.
“Думаюць, не працуюць ногі – не працуе і галава.” У Бабруйску вазочнікі змагаюцца з дыскрымінацыяй
“Думаюць, не працуюць ногі – не працуе і галава.” У Бабруйску вазочнікі змагаюцца з дыскрымінацыяй
Як паводзіць сябе з людзьмі ў інвалідных вазках? Ці трэба ім дапамагаць? І як гэта рабіць? Яны самі распавядаюць пра тое, пра што нам сорамна ў іх спытаць.
Рэальная праца Канвенцыі залежыць ад усіх зацікаўленых супольнасцяў і арганізацый
Рэальная праца Канвенцыі залежыць ад усіх зацікаўленых супольнасцяў і арганізацый
Якія вынікі дае кампанія “Павестка 50”, што дапамагае ўвасобіць у жыццё Канвенцыю аб правах людзей з інваліднасцю ў рэгіёнах?
Канвенцыя – супраць страхаў, бар’ераў і стыгм (ФОТА)
Канвенцыя – супраць страхаў, бар’ераў і стыгм (ФОТА)
Ад інфармаванасці залежыць якасць жыцця, вырашылі спецыялісты ў Валожыне, і арганізавалі выяздныя кансультацыі па Канвенцыі аб правах людзей з інваліднасцю ў сельсаветах раёна.
Канвенцыя павінна стаць “жывым інструментам”, а не заставацца на паперы (ФОТА)
Канвенцыя павінна стаць “жывым інструментам”, а не заставацца на паперы (ФОТА)
3 сакавіка ў Мінску сустрэліся ўдзельнікі кампаніі “Павестка 50”, накіраванай на рэалізацыю Канвенцыі па правах людзей з інваліднасцю, з Бабруйска, Століна, Шчучына і Стоўбцаў.
Галоўнае – асабістая матывацыя на актыўнае паўнавартаснае жыццё  (ФОТА)
Галоўнае – асабістая матывацыя на актыўнае паўнавартаснае жыццё (ФОТА)
У Бабруйску рэалізуюцца тры праекты ў межах кампаніі па імплементацыі Канвенцыі па правах людзей з інваліднасцю ў горадзе.
“Мы пераарыентуем сваё стаўленне да праблем людзей з інваліднасцю” (ФОТА)
“Мы пераарыентуем сваё стаўленне да праблем людзей з інваліднасцю” (ФОТА)
У Стоўбцах прайшоў варкшоп па стратэгічным планаванні, і пачалося напісанне мясцовай павесткі вырашэння праблем людзей з інваліднасцю.
“Павестка 50” у Шчучыне: ад страху да актыўнай супольнасці (ФОТА)
“Павестка 50” у Шчучыне: ад страху да актыўнай супольнасці (ФОТА)
Для таго, каб мясцовыя павесткі працавалі, людзям з інваліднасцю неабходна быць актыўнымі ў працэсах прыняцця рашэнняў і вырашэння праблем.
Адзін у полі не ваяр, але разам мы можам шмат (ФОТА)
Адзін у полі не ваяр, але разам мы можам шмат (ФОТА)
У Шчучыне людзі з інваліднасцю вучыліся лідарству і адвакатаванню сваіх інтарэсаў.
Михаил Мацкевич: Как создать местную повестку и сделать ее инструментом решения проблем

Чтобы достичь изменений, нужно быть заинтересованными в них и перестать возлагать все надежды на государство.

Doing Crypto Index: первый проект FlyUni Labs

Представляем вашему вниманию Doing Crypto Index — первый проект лаборатории Летучего университета FlyUni Labs.

Коммерсантъ: "Беларусский "Крымнаш" все ближе" (Аудио)

Отношения России и Беларуси вновь обострились: Минск начал плановые работы на нефтепроводе "Дружба", в результате чего под вопросом оказался транзит российской нефти в Европу.

Что делать: три главных пункта

Что бы я ни писал, с кем бы ни разговаривал о положении дел в стране, везде слышу один и тот же вопрос в нескольких вариантах: "А что ты предлагаешь?", "Что делать?", "Есть ли у тебя стратегия?"