Вторник 22 января 2019 года | 21:09
  • бел / рус
  • eng

Адзін у полі не ваяр, але разам мы можам шмат (ФОТА)

21.12.2017  |  Инклюзив   |  Яўгенія Бурштын, ЕўраБеларусь,  
Адзін у полі не ваяр, але разам мы можам шмат (ФОТА) Фота Службы інфармацыі "ЕўраБеларусі"

У Шчучыне людзі з інваліднасцю вучыліся лідарству і адвакатаванню сваіх інтарэсаў.

“ЕўраБеларусь” ужо пісала аб праекце, які рэалізуецца ў рамках кампаніі “Павестка 50” у Століне. Яшчэ адным пілотным горадам, у якім ідзе праца над стварэннем мясцовай павесткі імплементацыі Канвенцыі па правах людзей з інваліднасцю, з’яўляецца Шчучын. Служба інфармацыі “ЕўраБеларусі” наведала яго і завітала на двухдзённую “Школу лідара”, якую ў рамках праекта “Актыўная супольнасць” правяла Гродзенская абласная арганізацыі Беларускага таварыства Чырвонага Крыжа.

Фота Службы інфармацыі "ЕўраБеларусі"

“Школа лідара” была накіравана на тое, каб навучыць удзельнікаў ствараць каманду і разам працаваць дзеля вырашэння праблем. У трэнінгу, значная частка якога была прысвечана навыкам адвакатавання і самадапамогі, узялі ўдзел найбольш актыўныя гараджане, сярод якіх – наведвальнікі аддзяленняў дзённага знаходжання для людзей з інваліднасцю і дзённага знаходжання для пажылых людзей ТЦСАН, бацькі дзяцей з інваліднасцю, супрацоўнікі ТЦСАН Шчучынскага раёна.

Фота Службы інфармацыі "ЕўраБеларусі"

А вось прадстаўнікі грамадскіх арганізацый пакуль займаюць у горадзе не надта актыўную пазіцыю.

– Цягам шматгадовага досведу працы з людзьмі з інваліднасцю я зразумела, што не трэба культываваць сацыяльнае ўтрыманства. На жаль, ёсць такія сем’і, у якіх думаюць толькі аб тым, што ім нешта павінны. Але ж многія пытанні можна вельмі проста вырашыць уласным удзелам. Дзякуючы актыўнай пазіцыі кожнага чалавека можна дасягнуць вельмі добрых вынікаў для паляпшэння жыцця, – мяркуе каардынатарка праекта “Актыўная супольнасць” ад Гродзенскай абласной арганізацыі Беларускага таварыства Чырвонага Крыжа Інэса Ларыёнава. – Па вялікім рахунку, трэба разлічваць на сябе і сваіх блізкіх. Бо хто, як не сам чалавек, разумее, што яму трэба? Не кіраўнікі дзяржаўных устаноў і грамадскіх арганізацый. Пачынаць трэба з сябе і рушыць маленькімі крокамі.

Інэса Ларыёнава. Фота Службы інфармацыі "ЕўраБеларусі"

Інэса Ларыёнава заўважае, што цягам апошніх гадоў менталітэт людзей істотна мяняецца, і з’яўляецца ўсё больш тых, хто гатовы дамагацца роўнасці. У гэтым можна было пераканацца і падчас працы “Школы лідара”: нават сярод знаёмых многія ўдзельнікі нечакана праявілі сябе людзьмі дзейснымі і матываванымі. Пры дапамозе спецыяліста Гродзенскай абласной арганізацыі Беларускага таварыства Чырвонага Крыжа Алены Паўлянковіч яны цягам двух дзён стваралі каманды, аналізавалі праблемы, з якімі сутыкаюцца ў Шчучыне людзі з інваліднасцю, акрэслівалі патрэбы, дзеянні, рэсурсы, вучыліся прасоўваць свае інтарэсы.

Алена Паўлянковіч. Фота Службы інфармацыі "ЕўраБеларусі"

– Мы зразумелі, што адзін чалавек у полі не ваяр, праблемы трэба вырашаць супольна, – падзялілася ўражаннямі ад трэнінгу яго ўдзельніца Ганна.

Яе падтрымаў і наведвальнік аддзялення дзённага знаходжання людзей з інваліднацю ТЦСАН Дзмітрый:

– Трэба быць адной камандай. Я даведаўся, што ўсё трэба рабіць пакрокава, і каб нечага дасягнуць, трэба да гэтага імкнуцца.

Фота Службы інфармацыі "ЕўраБеларусі"

– Хочацца спадзявацца, што ўдзельнікі праекта зоймуць больш актыўную жыццёвую пазіцыю, а таксама што людзі, якія павінны аказваць дапамогу, не будуць працаваць паводле прынцыпу “нанесці непазбежнае дабро”. Бо часам нам здаецца, быццам мы лепей ведаем, што патрэбна чалавеку і гвалтоўна яго “заганяем у рай”. Таму дасягненнямі ініцыятывы павінны стаць уменні пачуць і зразумець адзін аднаго, а таксама наладзіць узаемадзеянне, – дзеліцца чаканнямі Інэса Ларыёнава.

Фота Службы інфармацыі "ЕўраБеларусі"

Дзеянні па вырашэнні пытанняў правоў людзей з інваліднасцю ў горадзе і раёне знаходзяць падтрымку з боку адміністрацыі Шчучынскага райвыканкама. Паралельна з трэнінгам у нас была магчымасць сустрэцца з намесніцай старшыні Шчучынскага райвыканкама Ганнай Хвядзюк. Па яе словах, праект “Актыўная супольнасць” вельмі важны для рэгіёна, а дзяржаўныя органы і грамадскія ўстановы маюць намер зрабіць усё магчымае, каб асобы з інваліднасцю не адчувалі сваіх абмежаванняў.

На сустрэчу завітала і каардынатарка праектаў Прадстаўніцтва Еўрапейскага Звязу ў Беларусі Наталля Стасевіч. Яна адмыслова прыехала ў Шчучын і распавяла пра магчымасці ўдзелу ў міжнародных праектах, у тым ліку і ў межах трансгранічнага супрацоўніцтва. Таксама Наталля Стасевіч нагадала, што не варта звужаць разуменне Канвенцыі выключна да фізічнай альбо ментальнай інваліднасці.

– Гэта датычыцца элементарных пытанняў правоў чалавека. Людзі з інваліднасцю – такія ж грамадзяне Рэспублікі Беларусь, і ў іх таксама павінна быць магчымасць наведваць культурныя мерапрыемствы, атрымліваць эстэтычнае задавальненне. У групах узаемадапамогі яны павінны навучыцца казаць пра тое, чаго яны хочуць, чаго ім не хапае. 

Наталля Стасевіч. Фота Службы інфармацыі "ЕўраБеларусі"

Першая такая нагода з’явіцца ўжо ў студзені ў рамках усё таго ж праекта “Актыўная супольнасць”: удзельнікі збяруцца за круглым сталом, каб абагульніць усе даследаваныя патрэбы, а пазней іх чакае пасяджэнне каардынацыйнага міжведамаснагам савета, дзе будуць абмяркоўваць вырашэнне праблем людзей з інваліднасцю.

Фота Службы інфармацыі "ЕўраБеларусі"

***

Матэрыял падрыхтаваны ў межах міжнароднага праекта “Правы людзей з інваліднасцю: парадак дня для Беларусі (Павестка 50)”.

  

Кампанія “Павестка 50” рэалізуецца пры падтрымцы Еўрапейскага Звязу ў партнёрстве з Fundacja TUS (Польшча) і грамадскай арганізацыяй “Еўрапейскі дом” (Данія). У Рэалізацыі кампаніі ў Беларусі ўдзельнічаюць Офіс па правах людзей з інваліднасцю, Міжнародны кансорцыюм “ЕўраБеларусь” і Цэнтр еўрапейскай трансфармацыі.

Другие новости раздела «Инклюзив»

«Сначала был шок». Как в Щучине шли к решению проблем людей с инвалидностью
«Сначала был шок». Как в Щучине шли к решению проблем людей с инвалидностью
В Щучине подвели итоги кампании «Повестка 50» и подписали местный план действий по реализации Конвенции по правам людей с инвалидностью.
В Столине разработали программу повышения качества жизни людей с инвалидностью
В Столине разработали программу повышения качества жизни людей с инвалидностью
Райцентр стал вторым городом в Беларуси и первым в Брестской области, где подписали местный план реализации принципов Конвенции ООН о правах людей с инвалидностью.
Законопроект о правах людей с инвалидностью: инновации в деталях, архаизм общего подхода
Законопроект о правах людей с инвалидностью: инновации в деталях, архаизм общего подхода
Обсуждение законопроекта «О правах инвалидов и их социальной интеграции» подошло к концу. Какие преимущества и недостатки содержит новый документ?
«Повестка 50» в Беларуси: от стратегий к воплощению
«Повестка 50» в Беларуси: от стратегий к воплощению
Участники кампании «Повестка 50» из пяти пилотных городов обсудили достижения в создании местных повесток по реализации Конвенции о правах людей с инвалидностью.
В Столбцах подписали местный план действий по реализации Конвенции о правах людей с инвалидностью
В Столбцах подписали местный план действий по реализации Конвенции о правах людей с инвалидностью
Примечательно, что из пяти пилотных городов Столбцы последними присоединились к кампании «Повестка 50», но первыми завершили подготовку местной повестки.
Зніжкі на лекі, бясплатны санаторый. Якія ільготы даступныя людзям з інваліднасцю ў Стаўпецкім раёне
Зніжкі на лекі, бясплатны санаторый. Якія ільготы даступныя людзям з інваліднасцю ў Стаўпецкім раёне
У Стоўпцах рэалізуецца праект “Адкрыты дыялог”, мэта якога – праінфармаваць людзей з інваліднасцю аб правах, ільготах, магчымасцях атрымання медыцынскіх, сацыяльных паслуг, мерах дзяржпадтрымкі.
“Павестка 50” у Стоўбцах: нізкапольны аўтобус, гукавыя светлафоры і кансультацыі
“Павестка 50” у Стоўбцах: нізкапольны аўтобус, гукавыя светлафоры і кансультацыі
У Стоўбцах распавялі пра вынікі стварэння лакальнай павесткі для вырашэння праблем людзей з інваліднасцю і прэзентавалі міні-праект “Адкрыты дыялог”.
Ларыса Шчарбачэвіч: Мы будзем развівацца ўстойліва
Ларыса Шчарбачэвіч: Мы будзем развівацца ўстойліва
У Валожыне прадставілі чарнавік мясцовай павесткі і падвялі вынікі рэалізацыі міні-праекта ў рамках кампаніі “Павестка-50”.
Імкнуцца стаць на месца чалавека з інваліднасцю. У Століне прэзентавалі маніторынг дасяжнасці
Імкнуцца стаць на месца чалавека з інваліднасцю. У Століне прэзентавалі маніторынг дасяжнасці
28 траўня ў горадзе прайшла прэзентацыя вынікаў праекту “Роўныя Роўным”, які быў прысвечаны маніторынгу безбар’ернага асяроддзя ў горадзе.
“Думаюць, не працуюць ногі – не працуе і галава.” У Бабруйску вазочнікі змагаюцца з дыскрымінацыяй
“Думаюць, не працуюць ногі – не працуе і галава.” У Бабруйску вазочнікі змагаюцца з дыскрымінацыяй
Як паводзіць сябе з людзьмі ў інвалідных вазках? Ці трэба ім дапамагаць? І як гэта рабіць? Яны самі распавядаюць пра тое, пра што нам сорамна ў іх спытаць.
Рэальная праца Канвенцыі залежыць ад усіх зацікаўленых супольнасцяў і арганізацый
Рэальная праца Канвенцыі залежыць ад усіх зацікаўленых супольнасцяў і арганізацый
Якія вынікі дае кампанія “Павестка 50”, што дапамагае ўвасобіць у жыццё Канвенцыю аб правах людзей з інваліднасцю ў рэгіёнах?
Канвенцыя – супраць страхаў, бар’ераў і стыгм (ФОТА)
Канвенцыя – супраць страхаў, бар’ераў і стыгм (ФОТА)
Ад інфармаванасці залежыць якасць жыцця, вырашылі спецыялісты ў Валожыне, і арганізавалі выяздныя кансультацыі па Канвенцыі аб правах людзей з інваліднасцю ў сельсаветах раёна.
Канвенцыя павінна стаць “жывым інструментам”, а не заставацца на паперы (ФОТА)
Канвенцыя павінна стаць “жывым інструментам”, а не заставацца на паперы (ФОТА)
3 сакавіка ў Мінску сустрэліся ўдзельнікі кампаніі “Павестка 50”, накіраванай на рэалізацыю Канвенцыі па правах людзей з інваліднасцю, з Бабруйска, Століна, Шчучына і Стоўбцаў.
Галоўнае – асабістая матывацыя на актыўнае паўнавартаснае жыццё  (ФОТА)
Галоўнае – асабістая матывацыя на актыўнае паўнавартаснае жыццё (ФОТА)
У Бабруйску рэалізуюцца тры праекты ў межах кампаніі па імплементацыі Канвенцыі па правах людзей з інваліднасцю ў горадзе.
“Мы пераарыентуем сваё стаўленне да праблем людзей з інваліднасцю” (ФОТА)
“Мы пераарыентуем сваё стаўленне да праблем людзей з інваліднасцю” (ФОТА)
У Стоўбцах прайшоў варкшоп па стратэгічным планаванні, і пачалося напісанне мясцовай павесткі вырашэння праблем людзей з інваліднасцю.
“Павестка 50” у Шчучыне: ад страху да актыўнай супольнасці (ФОТА)
“Павестка 50” у Шчучыне: ад страху да актыўнай супольнасці (ФОТА)
Для таго, каб мясцовыя павесткі працавалі, людзям з інваліднасцю неабходна быць актыўнымі ў працэсах прыняцця рашэнняў і вырашэння праблем.
Адзін у полі не ваяр, але разам мы можам шмат (ФОТА)
Адзін у полі не ваяр, але разам мы можам шмат (ФОТА)
У Шчучыне людзі з інваліднасцю вучыліся лідарству і адвакатаванню сваіх інтарэсаў.
Польскія эксперты: Мы гаворым – “роўнасць”, а вы – “інклюзія”
Польскія эксперты: Мы гаворым – “роўнасць”, а вы – “інклюзія”
Ці стане стварэнне мясцовых павестак дзейсным інструментам для забеспячэння правоў людзей з інваліднасцю ў Беларусі, як гэта адбылося ў Польшчы?
“Казаць пра людзей з інваліднасцю асобна ад усёй краіны – немагчыма”
“Казаць пра людзей з інваліднасцю асобна ад усёй краіны – немагчыма”
У Польшчы асновай зменаў ва ўсіх сферах грамадства, у тым ліку ў галіне інваліднасці, стала разуменне таго, што ўсе людзі маюць роўныя правы.
Як жывуць і працуюць людзі з інваліднасцю – латвійскі досвед
Як жывуць і працуюць людзі з інваліднасцю – латвійскі досвед
Сацыяльнае прадпрымальніцтва, занятасць як рэабілітацыя і “момант адпачынку” за кошт мясцовага самакіравання і спонсараў.
«Сначала был шок». Как в Щучине шли к решению проблем людей с инвалидностью

В Щучине подвели итоги кампании «Повестка 50» и подписали местный план действий по реализации Конвенции по правам людей с инвалидностью.

Гражданское общество Беларуси: актуальное состояние и условия развития (2015-2017)

Представляем вашему вниманию отчет по результатам комплексного исследования гражданского общества Беларуси за период 2015-2017 годов.

"Размова Мацкевіча" з Андрэем Ягоравым пра будучыню Беларусі (Відэа)

Якая наша бліжэйшая будучыня паміж Расіяй і Захадам, якія нашы перспектывы ў іншых сферах і што больш можа натхніць беларусаў — ВКЛ ці IT-тэхналогіі?

До Киева не доведет. Почему нет связи между языком и готовностью бороться за независимость страны

Большинство беларусов считают свою страну самодостаточной — вне зависимости от того, на каком языке говорят. И уверены, что она должна оставаться независимой.