У Баранавіцкім раёне адзначылi 150-ю гадавіну Мілавiдскай бітвы
Фота "ЕўраБеларусi"
“Мілавідскі фэст 2013 — памяці паўстанцаў 1863 года” прайшоў 2 чэрвеня ў Баранавіцкім раёне. Адзначыць 150-ю гадавіну Мілавiдскай бітвы сабралося каля 150 чалавек з розных гарадоў Беларусі.
Распачаліся святкаванні з ускладання кветак да помніка паўстанцам, якім знаходзіцца непасрэдна на Мілавідскім полі. Як распавёў Службе інфармацыі “ЕўраБеларусі“ каардынатар грамадзянскай гісторыка-культурнай кампаніі “1863” Васіль Грынь, першапачтакова менавіта на полі пад Мілавідамі планавалася правесці і ўрачыстую частку фэсту. Аднак згоду мяцовых уладаў на гэта атрымаць не ўдалося.
“На жаль, ёсьць гэтае неразуменне. Асабіста я не бачу ў гэтым ніякай логікі. Чаму на гісторыю падзей, з якіх пачынаўся беларускі рух, робіццца закрыванне вачэй?” – здзівіўся Васіль Грынь. Прычым нельга казаць пра нейкую варожасць уладаў да звязаных з паўстаннем месцаў. Бо той жа помнік на Мілавдскім полі падтрымліваецца ў належным стане не толькі намаганнямі грамадскасці, але і мясцовымі камунальнымі службамі.
Як бы там ні было, але культурніцкую частку мерапрыемства давялося праводзіць у сядзібе Баранавіцкай філіі Таварыства беларускай мовы імя Францішка Скарыны ў вёсцы Русіно. Там адбыліся выступы мясцовых краязнаўцаў, літаратараў. Сваімі спевамі гасцей фэста парадавалі барды Зміцер Бартосік і Віктар Шалкевіч. А для саміх бардаў сваеасаблівым сюрпрызам стала магчымасць паўдзельнічаць у прэзентацыі паўстанцкіх строяў. Гэтыя строі ў межах аднаго з праектаў кампаніі “1863” пашыла майстра Юлія Літвінава, якая распавяла гасцям Мілавідскага фэсту пра сваю працу.
“Радасць свята не сапсаваў нават дождж, які суправаджаў культурніцкую частку фэстываля, - заўважыў Васіль Грынь. – На Мілавіды я паехаў разам з дачкой. І мы вярнуліся дадому з добрымі ўражаннямі. Усё было вельмі спакойна і прыемна.”
Нагадаем, Мілавідскі фэст 2013 адбыўся пры спрыяннi Мiжнароднага кансорцыума "ЕўраБеларусь".
Гістарычная даведка
Мілавідская бітва паміж паўстанцамі і расійскімі войскамі адбылася 3 чэрвеня 1863 года (22 мая – паводле старога стылю).
Месца канцэнтрацыі паўстанцкіх сілаў (5 атрадаў)атакавалі 3 роты царскіх палкоў з 4 гарматамі. Паўстанцам удалося адбіць атакі. Ў выніку баёў загінула 18 паўстанцаў і 50 жаўнераў царскай арміі. На наступны дзень на месца бітвы прыйшлі дадатковыя сілы расійскіх войскаў (2 роты), але на той час паўстанцкія атрады пакінулі лагер, разышоўшыся ў розных накірунках.
-
17.01
-
13.12
-
17.11
-
07.10
-
30.09
-
22.09
-
Владимир Мацкевич: Политтехнологии третьего поколения — 5-й доклад -
Владимир Мацкевич: Политтехнологии третьего поколения — 4-й доклад -
Владимир Мацкевич: Политтехнологии третьего поколения — 3-й доклад -
Владимир Мацкевич: Политтехнологии третьего поколения — 2-й доклад -
Владимир Мацкевич: Политтехнологии третьего поколения — 1-й доклад -
Елена ВЕРЕЩАГИНА. О пользе странных телепрограмм -
Светлана Алексиевич. Примитивно страшный мир -
Павел БЕЛАВУС: Не быць абыякавымі
