Справу Уладзіміра Някляева адправілі на дапрацоўку

Суд Цэнтральнага раёна Мінска адправіў справу Уладзіміра Някляева на дапрацоўку ў міліцыю. Хаця  Някляеў і 7 ягоных сведкаў пацвердзілі, што 28 лютага на мітынгу прадпрымальнікаў палітыка не было. Але суддзя Вікторыя Шабуня адправіла справу на дапрацоўку.

Фактычна паўтарылася сітуацыя старшыні Рады "ЕўраБеларусі" Уладзіміра Мацкевіча, якога міліцыянты "апазналі" як удзельніка прадпрымальніцкага мітынгу. Аднак У.Мацкевіч даказаў, што міліцыянты проста хлусяць: у той дзень ён знаходзіўся за межамі Беларусі.

Актывіст з Дзяржынскага раёна Мікалай Колас аштрафаваны на 20 базавых велічынь (4 200 000 рублёў).

Актывіст Павел Сяргей у суд не з’явіўся, таму разгляд яго справы адклалі, паведамляе Радыё Свабода.

Увесь дзень 24 сакавіка суд Цэннтральнага раёна штрафуе ўдзельнікаў прадпрымальніцкіх акцый.