Суд Цэнтральнага раёна Мінска карае ўдзельнікаў прадпрымальніцкіх мітынгаў штрафамі

У судзе Цэнтральнага раёна Мінска судзяць удзельнікаў мітынгу прадпрымальнікаў, што праходзіў 28 лютага.

Першы вырак — Мікалая Статкевіча аштрафавалі завочна на 50 базавых велічынь.

Вольга Мікалайчык і Максім Вінярскі ў суд не з'явіліся, іх завочна аштрафавалі на 50 базавых велічынь (10,5 мільёна рублёў), паведамляе Радыё Свабода.

Былы палітвязень Мікалай Аўтуховіч атрымаў штраф 20 базавых велічынь (4 мільёны 200 тысяч беларускіх рублёў), былы прадпрымальнік, пенсіянер Аляксандр Абрамовіч — 10 базавых велічынь (2 мільёны 100 тысяч рублёў), былы міліцыянт Мікалай Казлоў — 50 базавых (10,5 мільёна рублёў), старшыня АГП Анатоль Лябедзька — 50 базавых (10,5 мільёна рублёў).

Леанід Кулакоў атрафаваны на 50 базавых велічынь (10,5 мільёнаў рублёў) адразу за 3 акцыі — за ўдзел у мітынгу прадпрымальнікаў, а таксама за пікеты салідарнасьці з Саўчанкай.

Актывіст казаў, што у яго няма грошай для аплаты штрафу, і прасіў пакараць яго арыштам, але суддзя Міхаіл Хома на гэта сказаў, што той не зрабіў нічога супрацьзаконнага, каб яго саджаць.