Як не стацца марыянеткай спецслужбаў? (Відэа)

"Гэта справа цягнецца ўжо паўтара месяца, і пра яе шырокая публіка пачала забываць. Але следчыя органы не забыліся. То аднаго, то другога фігуранта справы з ліку журналістаў TUT.BY і БелаПАН выклікаюць на допыты або на бяседу. Навошта? Усе ж матэрыялы сабраныя, усе фігуранты справы і сведкі апытаныя. Што яшчэ следчыя хочуць пачуць?", — напісаў метадолаг Уладзіміра Мацкевіч на сваёй старонцы ў Фэйсбуку.

Допіс вялікі, агульная думка ў ім — пра тое, што на размовы выклікаюць не проста так, а вярбуюць або ўжо завербавалі спецслужбы. Уладзімір Мацкевіч заклікаў тых, каго завербавалі, прызнацца публічна. І вось журналіст TUT.BY Дзмітрый Бобрык прызнаўся, што праз пагрозы быў вымушаны падпісаць паперу аб супрацоўніцтве са спецслужбамі.

У студыі "Белсата" Валер Руселік абмяркоўвае справу з метадолагам Уладзімірам Мацкевічам і кіраўніком рэдакцыі інфармацыйных праграмаў Алесем Карніенкам.