Рахунак часопісу "Архэ-Пачатак" разблакавалі

Пра гэта Радыё Свабода паведаміў рэдактар часопіса "Архэ-Пачатак" Алесь Пашкевіч. “У банк прыйшло кароткае паведамленне, што ранейшае прадпісанне аб замарожванні адклікаецца. Аднак у ДФР нам не далі пісьмовага пацвярджэння аб незавядзенні супраць нас крымінальнай справы. Сказалі, што яны не абавязаныя выдаваць, што законы гэта дазваляюць”, - распавёў ён.

Паводле спадара Пашкевіча, такім чынам застаюцца пэўныя нявысветленыя моманты ў гэтай справе, напрыклад, ці працягваецца праверка ў дачыненні пэўных службовых асоб рэдакцыі, у сувязі з чым часопіс падаў у ДФР афіцыйны запыт.

А тым часам рэдакцыя аднаўляе сваю працу — прадае ранейшыя нумары «Архэ-Пачатак» і рыхтуе новыя. Адначасова рэдакцыя працягвае працэс перарэгістрацыі ў сувязі са зменай выдаўца — рашэнне Міністэрства інфармацыі чакаецца да 15 красавіка. Алесь Пашкевіч спадзяецца выпусціць у свет чарговы нумар часопіса ўжо ў красавіку.

Рахунак «Архэ» быў заблакаваны 4 кастрычніка мінулага году.

Нагадаем, што ранейшыя тры спробы перарэгістраваць часопіс былі няўдалымі.