Пракуратура Літвы: Намеснік дырэктара беларускай гімназіі памёр ад спынення сэрца

«Чаму спынілася сэрца, эксперты змогуць высветліць праз пяць-шэсць месяцаў, калі будзе праведзена падрабязнае расследаванне», — паведаміў прадстаўнік Віленскай акруговай пракуратуры Раландас Імбрасас, піша Радыё Свабода са спасылкай на партал balsas.lt.

6 сакавіка Вайніцкі сказаў жонцы, што ідзе ў падвал, і не вярнуўся. Занепакоеная жонка сама спусьцілася ў падвал і знайшла там мужа са звязанымі рукамі і нагамі і заклееным ротам. Медыкі, што прыехалі на месца здарэння, канстатавалі смерць. Паводле паліцыі, на целе выяўленыя кровападцёкі і драпіны.

«Яны маглі ўзнікнуць ад таго, што ён ляжаў на зямлі. Чаму злачынцы яго звязалі — высвятляецца», — запэўніў Імбрасас.

Пракурор Імбрасас, які курырые расследаванне справы, кажа, што бальшыня сьведкаў ужо апытаныя: «Чалавек працаваў на некалькіх працах, меў шмат кантактаў, дык людзей, якія нешта ведаюць, не бракавала».

Паводле Імбрасаса, ніводзін са сведкаў непасрэдна не чуў, каб Вайніцкаму нехта пагражаў: «Яны толькі чулі пра гэтыя пагрозы, але пра канкрэтныя абставіны не казалі».

Паводле пракурора, кола падазраваных выяўленае, аднак падставаў для затрымання і арышту хоць бы аднаго чалавека пакуль няма. Праваахоўныя органы даследуюць розныя версіі, і некалькі з іх ужо былі адхіленыя.