У бліжэйшы час адчыніцца новы офіс Праваабарончага цэнтру “Вясна”

“Вясна” не спыняе сваю дзейнасць. Праз тыдні два мы адчыняем новы офіс, які будзе адкрыты для ўсіх, хто мае патрэбу ў юрыдычнай дапамозе. “Вясна” засталася і будзе!”, - перадае слова Таццяны Равякі сайт “Беларускі партызан”.

Нагадаем, што папярэдні офіс “Вясны” быў аформлены, як прыватная ўласнасць кіраўніка арганізацыі Алеся Бяляцкага. У выніку вынесенага яму прысуду офіс быў канфіскаваны ў лістападзе 2012 года.

Алесь Бяляцкі адбывае пакаранне ў выглядзе 4,5 гадоў зняволення ў калоніі №2 у Бабруйску. Міжнародная праваабарончая супольнасць прызнала яго палітзняволенным.