Запрашэнне да ўдзелу ў Канферэнцыі Нацплатформы ФГС УП (Мінск, 16 лістапада 2012 года)

Падчас Канферэнцыі будуць прадстаўлены асноўныя вынікі працы Нацыянальнай платформы за апошні год, пройдзе абмеркаванне перспектыў, мэт і задач грамадзянскай супольнасці Беларусі на ўзроўні Усходняга партнёрства і Еўрапейскага дыялогу па мадэрнізацыі, а таксама перспектыў развіцця дзейнасці Нацыянальнай платформы на рэгіянальным і нацыянальным узроўнях. Напярэдадні чацвертай сустрэчы Форума грамадзянскай супольнасці Усходняга партнёрства, якай пройдзе 29-30 лістапада 2012 года ў Стакгольме (Швецыя), адбудзецца вызначэнне мэт і задач беларускай дэлегацыі.

Як і ў мінулы раз, адным з самых змястоўных пытанняў Канферэнцыі стане пытанне аб Канцэпцыі далейшага развіцця Нацыянальнай платформы. Удзельнікам будзе прадстаўлена другая версія Канцэпцыі і прапанавана прыняцце рашэння па ёй.

Каардынацыйны камітэт Нацыянальнай платформы запрашае арганізацыі-удзельнікаў Нацплатформы, якія падпісалі Мемарандум аб супрацоўніцтве і маюць магчымасць істотна паўдзельнічаць у падрыхтоўцы і правядзенні Канферэнцыі, увайсці у склад Аргкамітэта Канферэнцыі.

Канферэнцыя Нацыянальнай платформы
Форума грамадзянскай супольнасці Усходняга партнёрства:

“Напярэдадні чацвёртай штогадовай сустрэчы Форума грамадзянскай супольнасці Усходняга партнёрства”

Мінск, 16 лістапада 2012 года

Запрашэнне да ўдзелу

Запрашаем вас прыняць удзел у Канферэнцыі Нацыянальнай платформы Форума грамадзянскай супольнасці Усходняга партнёрства: “Напярэдадні чацьвёртай штогадовай сустрэчы Форума грамадзянскай супольнасці Усходняга партнёрства”, якая адбудзецца 16 лістапада 2012 года ў Мінску.

Нацыянальная платформа Форума грамадзянскай супольнасці Усходняга партнёрства была заснаваная ў ліпені 2010 года і стала агульнай пляцоўкай для кансалідацыі і каардынацыі дзеянняў арганізацый грамадзянскай супольнасці Беларусі. Зараз перад Нацыянальнай платформай стаяць задачы далейшага вызначэння прыярытэтаў яе дзейнасці і выбару актуальнай стратэгіі развіцця.

Удзельнікамі Канферэнцыі 16 лістапада 2012 года будзе абмеркавана і, магчыма, прынята новая версія Канцэпцыі дзейнасці Нацыянальнай платформы. Таксама праграмай прадугледжана абмеркаванне пытанняў развіцця дзейнасці Нацыянальнай платформы у рэгіёнах Беларусі і разварочвання нацыянальных праграм.

Канферэнцыя таксама будзе выконваць функцыю падрыхтоўкі беларускіх удзельнікаў да працы на чацвёртай сустрэчы Форума грамадзянскай супольнасці Усходняга партнёрства, якая адбудзецца ў Стакгольме 29-30 лістапада 2012 года.

 Для ўдзелу ў Канферэнцыі неабходна да 11 лістапада 2012 года даслаць Заяўку на адрас электроннай пошты Аргкамітэта Канферэнцыі:  [email protected].

З-за абмежаванай колькасці месцаў асобы, якія не дашлюць заяўкі на ўдзел да пазначанага тэрміну, не змогуць прыняць удзел у Канферэнцыі. Звяртаем таксама вашу ўвагу на тое, што выдаткі ўдзельнікаў на праезд і пражыванне не кампенсуюцца арганізатарамі.