Жыллёва-камунальныя паслугі могуць зноў падаражаць

Запланаванае паступовае павелічэнне тарыфаў на жыллёва-камунальныя паслугі для насельніцтва не перавысіць фактычных тэмпаў росту заработнай платы і не знізіць яго пакупніцкую здольнасць.

Беларускі ўрад адзначае, што доля расходаў на аплату жыллёва-камунальных паслуг у спажывецкіх расходах сям'і ў Беларусі "значна ніжэйшая, чым у сумежных краінах". У трэцім квартале 2013 года яна склала 3,5%. Для параўнання: у Літве — 10,5%, у РФ — 11,5%, ва Украіне — 10,9%, - перадае БелаПАН.

Ва ўрадзе лічаць, што устараненне цэнавых дыспрапорцый дазволіць знізіць нагрузку на рэальны сектар эканомікі, што павысіць канкурэнтаздольнасць беларускіх прадпрыемстваў. Зараз насельніцтва Беларусі плаціць за электрычнасць і газ у 2,2-2,7 разы менш, чым прадпрыемствы.

Запланаванае павелічэнне тарыфаў на паслугі ЖКГ для насельніцтва не павінна перавысіць наяўных тэмпаў росту зарплаты.