Адбылася сустрэча Кіруючага камітэта Форума грамадзянскай супольнасці Усходняга партнёрства

Кіруючы камітэт Форума грамадзянскай супольнасці Усходняга партнёрства правёў паседжанне ў Бруселі14-15 ліпеня 2011 года, таксама прайшла сустрэча з камісарам ЕЗ па палітыцы пашырэння і добрасуседства Штэфанам Фюле. Чальцы Кіруючага камітэта сустрэліся з камісарам Фюле для прыняцця рашэння аб далейшых кроках па пашырэнні супрацоўніцтва Форума грамадзянскай супольнасці УП, які ў цяперашні час прызнаны адным з самых уплывовых сродкаў шматбаковага вымярэння Усходняга партнёрства.

 

Камісар Фюле пацвердзіў сваю падтрымку дзейнасці грамадзянскай супольнасці і зацікаўленасць у стварэнні пастаяннага сакратарыята Форума грамадзянскай супольнасці з мэтай павелічэння яго ўплыву. Вялікая ўвага была нададзеная ролі нацыянальных платформаў, якія маглі б стаць каналамі абмену інфармацыяй і супрацоўніцтва ў палітыцы ЕЗ па краінах Усходняга партнёрства. У гэтым напрамку Еўрапейская камісія можа распачаць у другой палове года падтрымку кансультацыйных сустрэч паміж прадстаўнікамі грамадзянскай супольнасці нацыянальных платформ, нацыянальнымі ўстановамі і прадстаўніцтвамі Еўракамісіі.

У гэтыя дні былі арганізаваныя сустрэчы: з чальцам Еўрапарламента сп. Вернерам Шульцам, які актыўна прапагандуе Форум грамадзянскай супольнасці Усходняга партнёрства ў Еўрапейскім парламенце, сп. Сэндзі Бойлам, прэзідэнтам па знешніх сувязях Еўрапейскага эканамічнага і сацыяльнага камітэта, і сп. Адрыянам Клечынскім, чальцам польскай дэлегацыі Еўрапейскага звязу па пытаннях польскага старшынства ў ЕЗ.

17 чальцаў Кіруючага камітэта склалі кароткі спіс удзельнікаў наступнага форуму, які пройдзе 28 і 29 лістапада 2011 года ў Познані: былі адабраныя 250 няўрадавых арганізацыяў з шасці краін Усходняга партнёрства і Еўрапейскага Звязу, рэзультат адбору залежаў ад спісу жадаючых, якія адказалі на заклік да ўдзелу у праграме, і ад спісу, прапанаванага нацыянальнымі платформамі і працоўнымі групамі.  

 

Паводле ALDA