Па справе "баевікоў" вызвалілі спецназаўца Дукшта і памежніка Грэка

31 сакавіка з СІЗА КДБ выйшлі Вячаслаў Дукшт, спецназавец з Мар’інай Горкі, і Ілля Грэк, намеснік начальніка па ідэалогіі Смаргонскага памежнага атрада. Абодва былі затрыманыя 21 сакавіка, паведамляе сайт Праваабарончага цэнтру "Вясна".  

31 сакавіка таксама быў адпушчаны Сяргей Барсток, а 1 красавіка - чатыры актывісты "Маладога фронту" - Дзмітрый Крамянецкі, Раман Васільеў, Арцём Леўчанка і Уладзімір Яроменак. У спісе затрыманых па справе аб падрыхтоўцы “масавых беспарадкаў” застаецца 21 чалавек. Вядома, што 10-ці з іх ужо прад'яўлены абвінавачванні па ч. 3 арт. 293 Крымінальнага кодэкса РБ.