Следчы камітэт адмаўляецца заводзіць справы супраць АМАПу

У Следчы камітэт Беларусі ў масавым парадку прыходзяць электронныя звароты, у тым ліку зварот, распаўсюджаны Антонам Матолькам наконт "прыцягнення да крымінальнай адказнасці супрацоўнікаў праваахоўных органаў, якія ажыццяўлялі затрыманні грамадзян на тэрыторыі Рэспублікі Беларусь пасля і перад правядзеннем масавых мерапрыемстваў".

Следчы камітэт адказаў, што ў гэтых зваротах "прыведзеныя звесткі, якія не змяшчаюць дадзеных, што паказваюць на наяўнасць прыкметаў злачынства".

"У сувязі з чым падстаў для правядзення Следчым камітэтам праверкі і прыняцця рашэння па зваротах у парадку, вызначаным Крымінальна-працэсуальным кодэксам Рэспублікі Беларусь, няма", — гаворыцца ў паведамленні, якое цытуе "Радыё Свабода".