На Акрэсціна вызваляюць месцы?

Цэнтр ізаляцыі правапарушальнікаў на завулку Акрэсціна "чысцяць" ад бяздомных і алкаголікаў, якія звычайна складаюць там асноўны кантынгент. Пра гэта Еўрарадыё даведалася з уласных крыніцаў. 

Юрыстка Праваабарончага цэнтру "Вясна" Наста Лойка напісала ў Фэйсбуку: "Ітак, усіх затрыманых 15га вывезьлі з ЦІПа на Жодзіна. Яны штосьці ведаюць".

Намесніца старшыні Руха салідарнасці "Разам" Алена Талстая напісала, што на Акрэсціна перадачы не прымаюць з самага ранку. "Зараз запусцілі першых, якія вышлі з праклёнамі: "У Жодзіна! Месца рыхтуюць для наступных!". 

Такія ж звесткі пра ачыстку "Акрэсціна" прыходзілі ў сакавіку 2006 года перад зачысткай намётавага мястэчка на Кастрычніцкай плошчы.