Апазіцыя вырашыла не адмаўляцца ад "маршаў недармаедаў"

"Гэта вынік вашай мужнасці і годнасці. Я бы хацеў павіншаваць усіх людзей, якія выходзілі на вуліцы, дэманструючы, упершыню за многія гады, што ў іх ёсць годнасць, самапавага", - ён.

Лябедзька лічыць, што ўлады былі вымушаныя пайсці на такі крок, паколькі сілавым метадам спыніць пратэсты не ўдавалася. "У Берасці двойчы выходзілі па трыста чалавек, а калі пачаліся кропкавыя рэпрэсіі, іх выйшла 1500. Гэта не праходзіць. Цяпер улады спрабуюць вырашыць пытаньне праз пернік", - сказаў ён.

"15 сакавіка вялікі марш "недармаедаў" пройдзе ў Менску. Ён не адмяняецца. Пытанне не вырашана, яно адкладзена ў доўгую скрыню. Я б раіў людзям і далей быць салідарнымі і працягваць маршы "недармаедаў". Нам трэба дабівацца яснага адказу ад уладаў, што дэкрэт №3 будзе скасаваны. Гэта галоўная задача", - лічыць палітык.

Таксама, па думку палітыка, ад абмеркавання дэкрэту №3 варта пераходзіць і да вырашэння іншых эканамічных і палітычных пытанняў. "Не трэба задавальняцца кавалкам, які кінула ўлада. А патрэбна дамагацца, каб мы атрымалі якасна іншую сітуацыю. Не будзе дэкрэту №3, будзе дэкрэт №4, №5, №6. Трэба мяняць шмат якое заканадаўства, ствараць іншыя мажлівасці для людзей, даваць ім права выбару. Гэта самае галоўнае", - заявіў ён  "Радыё Свабода".