Былы апостальскі нунцый у Беларусі Клаўдыё Гуджэроцці ўзнагароджаны ордэнам Францыска Скарыны

Узнагароды прызначаныя „за значны асабісты ўклад у развіццё культурнага супрацоўніцтва паміж Беларуссю і Ватыканам”. Як паведамляе прэс-служба прэзідэнта Беларусі, адпаведны ўказ Лукашэнка падпісаў 7 сакавіка.

Нагадаем, Клаўдыё Гуджэроцці быў адным з арганізатараў візіту Лукашэнкі ў Ватыкан. У снежні 2015 года, прымаючы Клаўдыё Гуджэроці з нагоды завяршэння яго дыпламатычнай місіі ў Беларусі, Лукашэнка назваў яго „лепшым з паслоў Ватыкана”. „Вы нас заўсёды падтрымлівалі. Мы з вамі шмат зрабілі для ўстанаўлення добрых сувязяў, і ў перспектыве, я думаю, мы зробім усё для таго, каб адбыліся мае сустрэчы з Папам рымскім на самым высокім узроўні”, — сказаў Лукашэнка.