Шорац узяў тыдзень на вывучэнне пытання пра будоўлю каля Курапат

На сустрэчу са старшынёй былі дэлегаваныя чатыры чалавекі: Марат Гаравы ад экспертаў, Юрый Сцепанішчаў ад жыхароў вуліцы Мірашнічэнкі і палітыкі Аляксей Янукевіч ды Павел Севярынец.

Як паведамілі ўдзельнікі сустрэчы журналістам, у часе гутаркі старшыня Мінгарвыканкама паабяцаў, што як мінімум тыдзень будаўніцтва не будзе весціся. Пытанне будзе далей вывучацца.

Нагадаем, што пратэсты на будаўнічай пляцоўцы ля Курапатаў трываюць другі тыдзень. Жыхары Мінска пратэстуюць супраць пабудовы офіснага цэнтра на пляцоўцы, якая да 2014 года ўваходзіла ў ахоўную зону Курапатаў і была выведзеная з яе задняй датай, пасля таго, як у 2013 годзе забудоўнік атрымаў права на пляцоўку.

У выніку пратэстаў будаўніцтва замарожанае з мінулай пятніцы, частка тэхнікі выведзеная, паведамляе "Наша ніва".