Ці вернецца «Газета Слонімская» у дзяржаўную сістэму распаўсюду?

Рэгіянальнае выданне «Газета Слонімская» каля 11 гадоў не мае магчымасці распаўсюджвацца праз дзяржаўныя сістэмы – падпісныя каталогі „Белпошты” ды шапікі «Белсаюздрук».

Размовы пра машчымае вяртанне ў падпісныя каталогі ды шапікі "Белсаюздруку" пачаліся пасля сустрэчы рэдактара «Народнай Волі» Іосіфа Сярэдзіча з Аляксандрам Лукашэнкам. Кіраўнік дзяржавы паабяцаў, што ўсе рэгіянальныя выданні, якія раней выкінулі з дзяржаўнай сістэмы распаўсюду, туды вернуцца.

-Пішам лісты ды чакаем, – цытуе галлоўнага рэдактара "Газеты Слонімскай" Віктара Валадашчука Радыё Рацыя. – Прайшло 11 гадоў з таго часу, як скасавалі з намі кантракты па распаўсюдзе газеты праз пошту і “Белсаюздрук”. Спадзяванняў асаблівых няма, але мы тым не менш чарговы раз напісалі лісты ў “Белпошту” у Менск і ў “Белсаюздрук” таксама ў Менск. Бо калі я зтэлефанаваўся з кіраўніцтвам абласнога прадпрыемства “Белпошта”, то яны адразу сказалі, каб мы адсылалі ўсе лісты ў Менск, бо яны нашае пытанне не вырашаюць.