Мальдзіс: Невядомыя дакументы пра Скарыну будуць знаходзіць па ўсёй Еўропе

Гісторык беларускай літаратуры прафесар Адам Мальдзіс мяркуе, што архівы еўрапейскіх краін яшчэ могуць змяшчаць многія невядомы дакументы пра беларускага асветніка і першадрукара Францішка Скарыну, паведамляе Радыё Свабода.

Невядомыя дакументы могуць яшчэ быць знойдзеныя ў архівах ўсіх краінаў Еўропы, дзе Скарына жыў, працаваў або вучыўся: у Аўстрыі, Італіі, Даніі, Чэхія, Польшчы і Літве.

"Я б найперш паехаў у Капенгаген, сталіцу Даніі. Мяркуецца, што паміж 1507 і 1512 годам Скарына быў сакратаром караля Даніі. Тады Данія мела актыўныя палітычныя зносіны з Рэччу Паспалітай і ВКЛ, таму пры каралі быў патрэбны чалавек з веданнем старабеларускай мовы. Пры абароне доктарскай дысертацыі па медыцыне ў 1512 годзе ў Падуі Скарына названы сакратаром караля Даніі", - адзначае Мальдзіс.