Лябедзька размаўляў са старшынём Канстытуцыйнага суда пра „дармаедаў”, той яго не чуў

Міклашэвічу перададзеная заява, у якой аргументуецца неканстытуцыйнасць дэкрэту №3 “Аб папярэджанні сацыяльнага ўтрыманства”, паведамляе «Радыё Рацыя».

- Наша заява – гэта рэфлексія на вельмі балючае для людзей пытанне, – падкрэсліў Анатоль Лябедзька. – Наша заява – гэта аргументы, чаму гэты дэкрэт трэба адмяніць і чаму Канстытуцыйны суд мусіць узяць гэтую справу для разгляду, а не заставацца на ўзбочыне. Ёсць прававыя падставы і ёсць магчымасць Канстытуцыйнаму суду ўзяць справу для вытворчасці і прыняць рашэнне.

Але падчас сустрэчы Пётр Міклашэвіча выступаў хутчэй як адвакат гэтага дэкрэту і ўсёй дзяржаўнай сістэмы. Па словах Анатоля Лябедзькі, з боку кіраўніка Канстытуцыйнага суда гучалі ў асноўным ідэалагічныя довады на карысць дэкрэту, а вось прававых было няшмат.