У Мінску на аўтамабілі жонкі Шумчанкі невядомыя напісалі «ЛНР сіла»

Вось што лідар руху прадпрымальнікаў напісаў у сваім «Фэйсбуку»:

«Сепаратысты з Данбаса ў Мінску!

Палітычная акцыя, правакацыйнага характару, у дачыненні да маёй сямʼі здзейсненая сёння. Раніцай патэлефанавалі суседзі і сказалі, што на аўто маёй жонкі надпіс фарбай. Напісалі наступныя словы: «ЛНР СІЛА». Таксама пад шчоткі лабавога шкла паклалі копіі долараў!"

Анатоль Шумчанка мяркуе, што дзейнічае арганізаваная, палітычна матываваная група асобаў, якая не спыніцца на адной падобнай акцыі. Таксама лідар "Перспектывы" перакананы, што здзейсненае - гэта адказ на яго пазіцыю па Украіне, якую прадпрымальнік лічыць цэлай і непадзельнай дзяржавай.

Актывіст выклікаў міліцыю.