Адмістрацыя прэзідэнта разгледзіць подпісы з анлайн-петыцыі супраць дэкрэта № 3

"У нас была размова з прадстаўнікамі Адміністрацыі прэзідэнта наконт нашага звароту. Яны даволі скептычна паставіліся да таго, што ён быў пададзены", - паведаміў "Радыё Рацыя" ініцыятар кампаніі па зборы подпісаў на інтэрнэт-платформе zvarot.by Андрэй Стрыжак.

Па яго словах, размова была не з самых прыемных. "Але, тым не менш, яны сказалі нам, што гэтыя подпісы будуць разгледжаныя ў адпаведнасці з законам “Аб зваротах грамадзянаў”, - дадаў актывіст.

Анлайн-петыцыю за скасаванне дэкрэта № 3 падпісалі амаль 25 тысячаў чалавек за 2 тыдні. Далучыцца да кампаніі па зборы подпісаў можна да 17 лютага ў менскім і рэгіянальных прадстаўніцтвах незалежнага прафсаюза работнікаў радыёэлектроннай прамысловасці.