У мінскай міліцыі няма звестак пра пікет расійскіх шавіністаў: «Няма ў зводцы»

 Яны трымалі ў руках расійскі сьцяг і зрабілі відэазапіс пікету, у якім між іншага выказваліся, што беларусы і расіяне — адзін народ; з  іхных вуснаў гучалі абразы ў адрас краінаў Захаду.

Аляксандр Ластоўскі, прэс-сакратар мінскай гарадзкой міліцыі, заявіў "Радыё Свабода" пра несанкцыянаваны пікет расійскіх шавіністаў:

«Пакуль у зводцы ў мяне няма звестак пра гэты пікет, пра тое, быў ён ці не, былі складзеныя пратаколы ці не. Кіраўніцтва зараз на нарадзе, адказаць, якая можа быць рэакцыя гарадской міліцыі на гэту акцыю, пакуль не магу».