Беларусь у 2017 годзе закупіць у Расі знішчальнікі Су-30СМ і мінамёты "Нона"

У ліку набытага — вучэбна-баявыя самалёты "Як-130", транспартна-баявыя верталёты "Мі-8", комплексы радыёманіторынгу, ракетныя сістэмы залпавага агню "Паланэз", радыёлакацыйныя станцыі "Праціўнік-Г" і "Ўсход-Д", батарэя "Тор-М2" і іншае.

У 2017 годзе асноўныя намаганні плануецца скіраваць на развіццё сістэмаў узбраення ваенна-паветраных сілаў, супрацьпаветранай абароны, выведкі, радыёэлектроннай барацьбы, сувязі і сілаў спецыяльных аперацый.

Так, запланаваная закупка самалётаў "Су-30СМ", комплексаў радыёманіторынгу, 120-мм мінамётаў 2Б23 "Нона-М1“, беспілотных авіяцыйных комплексаў рознага прызначэння, а таксама серыйная мадэрнізацыя БТР-70МБ1.

Акрамя таго, плануецца капітальны рамонт шэрагу верталётаў, самалётаў і танкаў, а таксама завяршэнне працы по стварэнні беларускіх лёгкабраняваных аўтамабіляў "Кайман", "V-1", "Віцім".

Напрыканцы 2016 году камандуючы ваенна-паветранымі сіламі Беларусі Алег Дзвігалёў ужо заяўляў пра намер закупіць не менш як эскадрыль расійскіх знішчальнікаў Су-30СМ. Гэты самалёт, па яго словах, "добра праявіў сябе ў сірыйскім канфлікце".

Мінамёты 2Б23 "Нона-М1" знаходзяцца на ўзбраенні расійскай арміі з 2007 году, паведамляе "Радыё Свабода" са спасылкай на газету "Во славу Родины".