Другі дзень сайт БАЖ падвяргаецца магутнай хакерскай атацы

З невядомых IP-адрасоў на сайт масава дасылаюцца памылковыя запыты. Сэрверы далі збой.

"Пакуль мы не ведаем, хто на нас напаў. Сама DDoS-атака, паводле IP-адрасоў, адбывалася з Расіі, хоць тэхнічна нескладана скіраваць атаку праз любую краіну, неабавязкова нас атакавалі расійскія хакеры. Гэта маглі быць і амерыканскія, і ізраільскія, і беларускія хакеры", - паведаміў прэс-сакратар БАЖ Барыс Гарэцкі.

"Зараз спрабуем справіцца з атакай, бо яна да гэтага часу працягваецца. Нашы праграмісты закрылі шэраг магчымасцяў, некаторыя формы зваротнай сувязі на сайце, каб знізіць плынь зваротаў. Спадзяёмся, што карэктная работа сайту Беларускай асацыяцыі журналістаў будзе адноўленая", - дадаў ён.

Беларуская асацыяцыя журналістаў не выключае, што будзе звяртацца ў праваахоўныя органы, калі атака паўторыцца, паведамляе "Радыё Свабода".