Літва чакае палягчэння пераходу мяжы з Беларуссю для жыхароў памежжа

Адпаведную заяву зрабіў міністр замежных спраў Літвы Лінас Лінкявічус у сувязі з тым, што Беларусь вырашыла ўвесці бязвізавы рэжым для грамадзянаў 80 краінаў, у тым ліку і для Літвы, якія прыбываюць у краіну праз Мінскі аэрапорт на тэрмін не большы за пяць дзён.

Паводле міністра, такі парадак не асабліва актуальны літоўцам, паколькі ў Беларусь яны часцей падарожнічаюць наземным, а не паветраным транспартам.

"Вядома, гэта крок да адкрытасці, але тут я б хацеў нагадаць, што мы яшчэ з 2010 году ўзгадняем так званы рэжым мясцовага перамяшчэння, які б істотна палепшыў кантакты, спрасціў паездкі для тых, хто жыве ў зоне 50 кіламетраў па абодвух баках мяжы," — сказаў Лінкявічус, паведамляе "Радыё Свабода".