З праекта пастановы аб медыцынскай этыцы выключылі абзац пра нашэнне рэлігійных сімвалаў

Пра гэта гаворыцца ў лісце Міністэрства аховы здароўя ў адрас Мітрапаліта Мінскага і Заслаўскага Паўла, Патрыяршага Экзарха ўсяе Беларусі, паведамляе афіцыйны партал Беларускай праваслаўнай царквы.

«Прапановы і заўвагі Беларускай праваслаўнай царквы прыняты пад увагу, і абзац пра «недапушчэнне дэманстрацыі сваёй рэлігійнай прыналежнасці і адкрытае нашэнне рэлігійных знакаў і сімвалаў» будзе выключаны Мiнiстэрствам аховы здароўя з праекта», — пазначана ў лісце, пiша nn.by.

Таксама адзначаецца, што Міністэрства аховы здароўя і ў далейшым будзе «спрыяць узаемнаму супрацоўніцтву».