Гісторык пра вобраз Рагнеды ў расейскім фільме: Зрабілі плаксівую дзеўку з князёўны (відэа)

«З князёўны нарвежскага паходжання, якая добра ведала свой сацыяльны статус, свой стан, свае абавязкі, яны зрабілі нейкую плаксівую дзеўку, якая кудысьці ідзе за тым, хто яе вядзе. Пры гэтым па сюжэце яе вядуць розныя людзі. Я ўжо не кажу пра тое, што Рагнеда, відаць, усё ж такі хрысціянкай. Абсалютна не ўлічаны той стан сучаснай навукі па гэтым пытанні. То бок на сённяшні дзень існуе з дзясятак розных версіяў гэтых падзеяў, а рэжысёр узяў і прыдумаў адзінаццатую, якая яшчэ і не падмацаваная ніякімі гістарычнымі фактамі», – адзначыў у каментары «Белсату» Сяргей Емяльянаў.

Таксама ён выказаў спадзеў, што на гэты фільм у Беларусі не пачнуць «вадзіць класамі, як гэта ў нас звычайна робіцца».