Анджэліка Борыс абрана новай старшынёй незарэгістраванага Саюза палякаў у Беларусі

Новая старшыня адзначае, што на новай пасадзе ў першую чаргу будзе працаваць над паднясеннем аўтарытэту арганізацыі, пашырэннем польскай адукацыі, узмацненнем рэгіянальных кропак, а таксама дабівацца легалізацыі саюза.

"Улады павінны змяніць падыход да Саюза Палякаў. Гэта не палітычная партыя. Не можа такога быць, што сёння не можа быць наш капелан, бо на яго ціснуць. Так не павінна быць, каб старшыня у Ваўкавыску не магла увайсці ў школу, бо яе не пускаюць, бо яна вораг, ці хто. Пра што тут казаць? Пакуль гэта не зменіцца я не бачу ніякіх далейшых крокаў", - сказала яна.

На выбары Саюза палякаў з’ехалася каля двухсот членаў арганізацыі з розных рэгіёнаў Беларусі, паведамляе "Радыё Рацыя".