У снежні многія сталічныя кавярні і рэстараны будуць працаваць да 6 раніцы

Пры гэтым змена часоў працы не тычыцца ўстаноў, убудаваных у жылыя будынкі.

Па словах начальніка Галоўнага ўпраўлення спажывецкага рынку Мінгарвыканкама Сяргея Барысевіча, 70% аб'ектаў грамадскага харчавання ўжо прынялі замовы на абслугоўванне навагодніх і калядных святаў.

"Кошт карпаратыўнага мерапрыемства складзе ад 50 рублёў на чалавека, кошт замовы ў навагоднюю ноч — ад 100 рублёў на чалавека і вышэй. Кошт дзіцячых ранішнікаў — ад 27 рублёў на чалавека і вышэй у залежнасці ад забаўляльнай праграмы", — сказаў чыноўнік.

Згодна з прынятымі замовамі, мінчане пачынаюць адзначаць зімовыя святы 15 снежня. Ад гэтай даты традыцыйна каля 25 тысяч наведвальнікаў святкуюць Каляды і Новы год у рэстаранах і кавярнях сталіцы кожны дзень, паведамляе nn.by са спасылкай на "Минск-Новости".