Улады дазволілі акцыю да гадавіны Слуцкага збройнага чыну

"Акцыя пройдзе 26 лістапада, у суботу, у традыцыйным фармаце: другі год запар мы праводзім шэсце, раней падавалі толькі на мітынг", - адзначыў старшыня Мінскай абласной арганізацыі руху "За Свабоду" Віталь Амяльковіч.

Ён адзначыў, што ў гэтым годзе шэсце будзе больш працяглым па маршруце. "Плануецца даволі шмат удзельнікаў. Асобна ад Мінску плануюць пад’язжаць іншыя рэгіёны. Чакаю, што будзе яшчэ лепей чым у мінулым годзе, бо да арганізацыі акцыі далучыўся рух "За Свабоду", - дадаў ён.

Амяльковіч таксама падкрэсліў, што гадавіна Слуцкага збройнага чыну - важная і знакавая падзея.

Маршрут акцыі такі: у 14:30 збор удзельнікаў каля кінатэатра "Беларусь" у Слуцку, у 15:00-15.15 пройдзе шэсце па вуліцы Леніна да гарадскога парку, у 15:15 пачнецца мітынг, на 16:00 запланаванае заканчэнне акцыі, паведамляе pyx.by.