Пачаўся судовы працэс над блогерам Эдуардам Пальчысам

Заснавальнік і аўтар сайта 1863x.com Эдуард Пальчыс, вядомы ў інтэрнэце пад імем “Джон Сільвер”, змяшчаў на сваім сайце матэрыялы, у якіх даваліся крытычныя ацэнкі палітыцы Расіі ў дачыненні Беларусі і Украіны. На пачатку года яго затрымалі ў Расіі і выдалі Беларусі.

Блогера абвінавачваюць у распальванні расавай, нацыянальнай, рэлігійнай, моўнай ці іншай сацыяльнай прыналежнасці варожасці (ч.1 арт.130 КК) і ў распаўсюдзе парнаграфічных матэрыялаў (арт.343 КК). Паводле першага артыкула яму пагражае да 5 гадоў абмежавання волі, паводле другога — да чатырох гадоў зняволення.

Прадстаўнікі апазіцыі, праваабаронцы і журналісты сабраліся раніцай каля будынку суда, каб падтрымаць Пальчыса. Пікет трымаўся болей за гадзіну. За ім назіралі супрацоўнікі міліцыі, паведамляе "Еўрарадыё".