Візавы аддзел пасольства Францыі аб’яўляе перапынак у працы

ПРАМЫ ЭФІР

Навіны

Папулярнае

Пра нас

Візавы аддзел пасольства Францыі не будзе працаваць з 10 па 25 лістапада ў сувязі з правядзеннем рамонтных работ.

Як паведамляе прэс-служба францускай дыпмісіі, рамонт пройдзе з мэтай паляпшэння ўмоў прыёму тых, хто звяртаецца па візу. Візавы аддзел пачне зноў прымаць наведвальнікаў 28 лістапада.

„Пачынаючы з 15 верасня 2016 году візавы аддзел прыкладае ўсе намаганні для выдачы пашпартоў у тэрмін ад 48 да 72 гадзін пасля падачы дакументаў на кароткатэрміновую візу (за выключэннем асаблівых выпадкаў). Варта адзначыць, што ўжо на працягу году кароткатэрміновыя шматразовыя візы на тэрмін ад аднаго году да пяці гадоў складаюць 41% ад усіх выдадзеных віз. Гэты працэнт пастаянна расце, і вельмі хутка выдача кароткатэрміновых шматразовых віз на такі тэрмін наблізіцца да 50 %”, - адзначаецца ў паведамленні.

У 2016 годзе, як і ў папярэднія гады, адмоўлена ў візе было менш за 1 % грамадзян, што прасілі яе.