Джэкі Чан таксама можа сустрэцца з Лукашэнкам

У плянах акцёра ёсць цікавы пункт: сустрэча з першымі асобамі дзяржавы.

"Проста ў райдэры напісана! — пацвярджае прадстаўнік арганізатара шоў у Мінску. — Ён прылятае на сваім уласным самалёце, у аэрапорце яго мусіць сустракаць ці прэм’ер-міністар, ці прэзідэнт. Гэта сур’ёзна: Джэкі Чан жа зорка ўсясветнага маштабу. Цяпер гэтае пытаньне прапрацоўваецца. Мы былі ў кітайскай амбасадзе. Калі яны нам не змогуць дапамагчы, пойдзем у Адміністрацыю прэзідэнта. Думаю, Аляксандар Рыгоравіч будзе шчаслівы пабачыцца з Джэкі Чанам. Калі пабачыўся з Сыгалам, чаму ж не з Джэкі?"

Лукашэнка сапраўды сустракаўся з акцёрам Стывенам Сігалам у жніўні 2016 году, частаваў яго кавунамі і морквай. Годам раней ён касіў траву разам з Жэрарам Дэпардзье, паведамляе "Радыё Свабода".