Беларус, які на адкрыцці Паралімпіяды ўзняў расейскі сцяг, будзе аштрафаваны

Але інфармацыя аб ім не разгалошваецца, яго чакае штраф, паведамляе Белсат.

Міністэрства спорту і турызму Беларусі адмаўляецца каментаваць учынак члена нашай паралімпіййскай зборнай.

Расейскія спартсмены не змаглі прыняць удзел у Паралімпійскіх гульнях праз часовае адхіленне Паралімпійскага камітэту Расеі на падставе дакладу незалежнай камісіі ВАДA (Сусветнае антыдопінгаваеагенцтва / World Anti-Doping Agency) аб дзяржаўнай падтрымцы ўжывання допінгу ў краіне.

Пасля рашэння аб адхіленні спартсменаў беларуская дэлегацыя напрыканцы жніўня паабяцала пранесці расейскі сцяг на цырымоніі адкрыцця ў знак падтрымання расейскіх паралімпійцаў.

Аднак, як паведамлялі расейскія СМІ, МПК наўпрост забараніў беларусам гэта рабіць, заявіўшы, што падобныя паводзіны будуць расцэненьвацца як палітычны жэст.

Расейскі сцяг, які ўзняў член беларускай паралімпійскай зборнай ужо канфіскаваны, паведамляе ў сваім «Twitterʼы» спартовы журналіст МэтМакгіхэн.

Паралімпійскія гульні праходзяць у Рыа-дэ-Жанейра з 7 па 18 верасня.