За мабільны беларускага алімпійскага чэмпіёна даюць ужо больш за 3 тысячы долараў

Лот быў размешчаны на сайце kufar.by у чацвер раніцай. Акцыя будзе дзейнічаць да 17.00 24 жніўня.

Ганчароў тлумачыць, што атрыманыя грошы пойдуць у яго родную віцебскую СДЮШАР №1 — альма-матэр многіх беларускіх батуцістаў.  Пры гэтым у смартфоне будзе незвычайнае начынне: асабістыя фотаздымкі з алімпійскага Рыа, а таксама асабісты кантакт чэмпіёна ў адраснай кнізе, па якіх будучы пакупнік заўсёды зможа з ім звязацца.

Ганчароў спадзяецца, што грошы дапамогуць выхаванцам яго школы выехаць на замежныя зборы, паведамляе "Еўрарадыё".