Форма беларускіх спартоўцаў з вышыванкамі – адна з самых модных на Алімпіядзе

Усе краіны традыцыйна шмат увагі надаюць каманднай форме на Алімпійскіх гульнях. Над ёй працуюць найлепшыя дызайнеры, якія спрабуюць зрабіць яе як мага больш стыльнай, але такой, каб яна заставалася камфортнай для спартсменаў. Менавіта па гэтым крытэрам Мэги Хендрыкс (Maggie Hendricks) адабрала 17 найлепшых мадэляў адзення на парадзе нацый, які адбыўся ў Рыа.

Фатаграфіі апублікаваныя ў адвольным парадку, зазначае аўтар артыкулу.

Шэра-чырвоная форма нашых алімпійцаў з нацыянальным арнаментам ад Юліі Латушкінай ды Івана Айплатава размясціліся пад нумарам 13.

«Форма выглядае як звычайны дзелавы касцюм, але паглядзіце на мужчынскія кашулі. Узор на кашулі той жа, што і на сцягу, узор пачарпнулі з мясцовых раслін і кветак».

Таксама ў топ увайшлі формы каманды ўцекачоў, шматлікіх краінаў Азіі ды Афрыкі. З нашых суседзяў у рэйтынг ніхто не трапіў.