Андрэй Бастунец: Вялікага ціску падчас гэтай электаральнай кампаніі на журналістаў не будзе

– Апошняя выбарчая кампанія паказала, што зусім неабавязкова арыштоўваць журналістаў ці пачынаць крымінальныя справы, - сказаў Андрэй Бастунец у каментары «Радыё Рацыя». - Можна проста паставіць медыя ў такія ўмовы, у якіх ім будзе цяжка асвятляць наўпрост нецікавыя для большасці выбары. Я не думаю, што калі раптам нічога не зменіцца, будзе вялікі ціск на журналістаў падчас гэтай выбарчай капаніі. І менавіта таму, што ўжо мы ўсе заціснутыя, і невядома ў якім кірунку журналістам трэба рухацца, а падчас такіх выбараў, як сёлетнія, яшчэ і незразумела навошта гэта рабіць.

Выбары ў Палату прадстаўнікоў адбудуцца 11 верасня. Пакуль ініцыятыўныя групы вядуць збор подпісаў за вылучэнне ў кандыдаты ў дэпутаты. Альтэрнатыўныя ўладзе прэтэндэнты сутыкаюцца з перашкодамі і правакацыямі пры зборы подпісаў, пра што паведамляюць незалежныя СМІ.