Славамір Адамовіч на волі і гатовы абскарджваць дзеянні міліцыі

«Калі я і буду скардзіцца, то на дзеяньні непасрэдна міліцыі, якая ў той дзень дзяжурыла», — адзначыў Славамір Адамовіч у інтэрв'ю Свабодзе.

Адамовіч падкрэслівае, што калі яго затрымлівалі і везлі ў «Навінкі», міліцыя яму так нічога і не патлумачыла.

«Ніякіх тлумачэнняў не было. Тым больш тлумачэння не могуць даць у „Навінках“, бо яны мяне ўтрымлівалі паводле паперы (з якой прыехалі міліцыянты з Мядзелу), дзе было ўжытае слова „шызафрэнія“. А так, пакуль я ніякіх тлумачэнняў не маю», — кажа ён.

Адамовіч дадаў, што рэчы, якія былі ў яго на момант затрымання, перадалі бацькам, і ён пакуль не ведае, ці ўсё там на месцы:

«Калі ж я яшчэ не ўсе рэчы знайду, то я тым больш абавязкова буду пісаць скаргі, бо тады гэта проста рабаванне сярод белага дня. Я лічу гэта адкрытым рабункам з аднога боку, а з іншага боку — запалохваннем. Калі ў такім фармаце адбываецца агульнабеларускае, агульнакраёвае свята як Будслаўскі фэст, то з гэтым проста трэба змагацца. Паддаваць тысячы людзей такому вобшуку, такому, прабачце, „шмону“ — гэта недарэчы краіне, якая прэтэндуе на сяброўства з Захадам».

Славаміра Адамовіча затрымалі 1 ліпеня на Будслаўскім фэсце, адкуль імліцыянты павезлі яго ў Мядзел "на освидетельствование". А ўжо з райцэнтра паэта пераправілі ў "Навінкі".