Лукашэнка паабяцаў працягваць умацаванне беларускага войска

Лукашэнка звярнуў увагу на тое, што ў сённяшнім парадзе ўдзельнічаў РСЗА «Паланэз» і паабяцаў, што Беларусь працягне аснашчанне сваёй арміі «самым сучасным узорам ваеннай тэхнікі».

«Нікому не будзе дазволена дэстабілізаваць сітуацыю, парушыць суверэнітэт і тэрытарыальную цэласнасць нашай краіны», — заявіў ён.

Лукашэнка абвесціў, што Беларусь цесна ўзаемадзейнічае са сваімі саюзнікамі, перш за ўсё «з брацкай Расіяй», а таксама развівае дыялог з краінамі Захаду.

«За гады незалежнасці мы не далі ўцягнуць сябе ні ў адну палітычную авантуру, не ўвязаліся ні ў адзін міжнародны канфлікт», — адзначыў ён.

Аляксандр Лукашэнка з'явіўся на парадзе у вайсковай форме і з чырвона-зяленай стужкай. Малодшага сына Мікалая побач з прэзідэнтам не было, перадае Радыё Свабода.