У Будславе па наводцы БРСМ затрыманы паэт Славамір Адамовіч

Паэт Славамір Адамовіч прыехаў у Будслаў Мядзельскага раёна да бацькоў, там жа знаходзіцца магіла ягонага дзеда. Спрабуючы прайсці на дзедаву магілу, паэт натыкнуўся на ачапленне с сябраў БРСМ, адзін з якіх запатрабаваў раскрыць паэтавы торбы.

Што з гэтага атрымалася - Славамір Адамовіч расказаў Беларускай праўдзе.

-Я прыехаў да бацькоў. У мяне дзед пахаваны на будслаўскіх могілках. Многа людзей збіраецца на Будслаўскі фэст, афіцыйнае святкаванне якога мусіць адбыцца заўтра. Ужо сёння тут прысутнічае шмат людзей, а мясціна ачэплена грамадзянскімі людзьмі у нейкай форме з сінімі элементамі. Я мог бы пушчанскімі шляхамі прайсці да дзедавай магілы, але навошта мне кружыць? Як мне прызналіся людзі ў цывільным, у ачапленні стаяць члены БРСМ, якія выконваюць незразумела якія функцыі. Сёння адзін грамадзянскі чалавек патрабуе ў другога грамадзянскага чалавека паказаць торбы. Я быў на веласіпедзе, не стаў рэагаваць на прэтэнзіі, і паспрабаваў прайсці далей. Не, гэты чалавек тэдефануе: тут жа прыязджае адна каманда міліцыянтаў, за ёй другая. У выніку я затрыманы, зараз ляжу ў гарызантальнай пазіцыі ў хуткай дапамолзе. Вырашаюць — гто са мной, злачынцам, рабіць.

1-2 ліпеня ў Будславе Мядзельскага раёна праходзіць Будслаўскі фэст.