Пасольства Польшчы ў Беларусі купіла пякарню для цэнтра інвалідаў

Пасольства Польшчы ў Беларусі перадало пякарню для Цэнтра па рэабілітацыі дзяцей-інвалідаў і інвалідаў «Расток», які размешчаны ў вёсцы Астрашыцкі Гарадок пад Мінскам. Ва ўрачыстасці перадачы пякарні прыняў удзел пасол Польшчы ў Беларусі Конрад Паўлік (Konrad Pawlik), паведамляе Польскае радыё са спасылкай на прэс-службу Пасольства Польшчы ў Мінску.

Закупка пякарні сфінансаваная са сродкаў праграмы Міністэрства замежных справаў Польшчы «Польская дапамога» (Pomoc Polska).

Пякарня дазволіць праводзіць рэабілітацыйныя заняткі для дзяцей пры нагодзе выпяканьня хлеба й кандытарскіх вырабаў. Хлебабулачныя вырабы будуць выпякацца для цэнтра, а лішкі выпечкі прадавацца.