Польшча выдала беларусам 75 тысяч карт палякаў

Пры гэтым прыкладна 13 % уладальнікаў карты палякаў фактычна не карыстаюцца ёй. Астатнія пераважна карыстаюцца картай паляку з мэтай атрымання бесплатных візаў.

"Не трэба перабольшваць пытанне карты палякаў. Гэта быў наш маральны доўг для ўсіх палякаў, якія пражываць на постсавецкай прасторы", – адзначыў амбасадар Польшчы ў Беларусі Конрад Паўлік.

Таксама ён адзначыў, што ў 2015 годзе грамадзянам Беларусі было выдадзена амаль 400 тысяч віз. "З сакавіка пачалі працаваць польскія візавыя цэнтры, якія значна спрасцілі доступ грамадзян Беларусі да польскіх візаў. Цяпер за польскімі візамі можна звяртацца ў 8 візавых цэнтраў. У 2015 годзе было выдадзена амаль 400 тысяч віз. Спадзяюся, што гэтая колькасць будзе толькі расці", – сказаў кіраўнік польскай дыпламатычнай місіі.