За чатыры гады прамысловасць Беларусі пазбавілася ад 105 тыс. працаўнікоў

За чатыры гады на дзяржаўных прадпрыемствах стала на 200 тыс. працаўнікоў менш, піша Белсат.

Згодна з афіцыйнай статыстыкай, за першы квартал бягучага года колькасць працаўнікоў у камерцыйных арганізацыях, долю ў якіх мае дзяржава, склала 1 млн 518,5 тыс. асобаў. Больш за 70 % працаўнікоў дзяржсектару былі занятыя ў трох відах дзейнасці – прамысловасці (705,4 тыс. асобаў), сельскай гаспадарцы (228,4 тыс. асобаў) і будаўніцтве (168,5 тыс. асобаў).

У 2012 годзе колькасць працаўнікоў у названых арганізацыях складала каля 1 млн 716 тыс. асобаў (прыкладна на 200 тыс. асобаў больш).

Колькасць працаўнікоў прамысловасці за чатыры гады зменшылася на 105,1 тыс. чалавек, у будаўніцтве – на 24 тыс., у рознічным гандлі – на 16,7 тыс. асобаў. У той час як у сельскай гаспадарцы практычна не змянілася.