Затрыманыя кіраўнік дэпартаменту судзейства федэрацыі футболу і трэнер "Смаргоні"

Пра затрыманне паведамілі ў аддзеле інфармацыі і грамадскіх сувязяў ГУУС Мінгарвыканкаму, піша Белсат.

Андрэя Жукава затрымалі ў ягоным працоўным кабінеце. У адносінах да яго распачатая крымінальная справа паводле ч.1 арт430 Крымінальнага кодэксу (атрыманне хабару).

На дадзены момант ён знаходзіцца ў ізалятары часовага ўтрымання.

«Затрыманне Жукава? Інкрымінуюць адзін эпізод. Разбіраемся», – так пракаментаваў сітуацыю старшыня АБФФ Сяргей Румас.

Таксама ўчора паведамлялася пра затрыманне галоўнага трэнера «Смаргоні» і былога гульца зборнай Беларусі Мікалая Рындзюка, а таксама суддзі Андрэя Сарокі. Крыху пазней стала вядома, што апошняга адпусцілі на волю. Ад каментароў наконт затрымання Сарока адмовіўся.

Інфармацыі наконт таго, ці звязаныя паміж сабой гэтыя затрыманні, пакуль няма.