Крыж Еўфрасінні Полацкай можа знаходзіцца ў Расіі

Па яго словах, гэта вынікае з расповеду мітрапаліта Філарэта пра пошукі Крыві Хрыстовай для Крыжа, які ствараўся паводле Крыжа Святой Еўфрасінні.

Гэты расповед прагучаў у фільме Віктара Шавялевіча. Мітрапаліт Філарэт адзначыў, што "ў Троіца-Сергіеву лаўру з дзяржаўнага музея паступіла дошчачка, у якую ўмантаваныя часцінкі розных мошчаў". "У верхняй частцы гэтай дошчачкі, гляджу і вачам не веру, напісана: Кроў Госпада", - сказаў ён.

"Што гэта за дошчачка, у якую ўкладзены мошчы як у Крыжы Еўфрасінні Полацкай і Кроў Хрыстова на тым самым месцы, куды ён яе потым перамясціў? Адказ, мне здаецца, навідавоку: гэтая адзіная мажлівая дошчачка – аснова сапраўднага Крыжа Еўфрасінні Полацкай 1161 года. Іншай падобнай дошчачкі ніколі не існавала", - лічыць Тарасаў, паведамляе "Радыё Рацыя".