Віталь Гуркоў стаў чэмпіёнам свету па муай-тай! (відэа фінальнага бою)

Віталь Гуркоў перамог Экапана Самбаансаба з Тайланда, які не саступаў у баях ужо 4 гады запар.

Гэтая перамога адметная яшчэ і тым, што некаторы час паездка Гуркова ў Швецыю была пад пытаннем — у зборнай нібыта не маглі знайсці грошы, нагадвае «Наша Ніва».

У адказ на гэта грамадскасць за адзін дзень сабрала неабходную суму ў некалькі тысяч еўра, а за Гурковым замацавалася мянушка «Народны чэмпіён».

«Пагоня побач! Будзем жыць», — вітаюць байца ў фэйсбуку.

Гэты чэмпіянат складваецца для беларусаў надзвычай удала: 28 мая такасама перамагла Алена Ляшкевіч.