Заўтра адбудуцца суды за ўдзел у Беларускім нацыянальным кангрэсе

Суддзя суду Ленінскага раёна сталіцы Андрэй Камушкін будзе разглядаць справу пісьменніка і палітыка Уладзімір Някляева. Яго вінавацяць ва ўдзеле ў несанкцыянаваным масавым мерапрыемстве (арт. 23.34 КаАП) і непадпарадкаванню законным патрабаванням супрацоўнікаў міліцыі (арт.23.4 КаАП).  Пачатак ў 9-00.

Былога спікера Вярхоўнага савета Станіслава Шушкевіча таксама чакае суд у гэты дзень за ўдзел ва ўстаноўчым сходзе.

У судзе Фрунзенскага раёна Мінска 24 траўня будуць судзіць і актывіста “Еўрапейскай Беларусі” Максіма Вінярскага. Пачатак у 9 гадзін раніцы

У судзе Цэнтральнага раёна прызначаны разгляд адміністрацыйных спраў па артыкулах 23.34 і 23.4 КаАП Юрыя Лукашэвіча і Зміцера Сільчанкі.Пачатак таксама ў 9-00.

Міліцыя не перашкаджала ўдзельнікам кангрэсу, але складала пратаколы на яго арганізатараў і вядомых актывістаў. Паводле назіральнікаў, было складзена больш за 20 пратаколаў на актыўных удзельнікаў. Сярод іх Мікалай Статкевіч, Вячаслаў Сіўчык, Генадзь Фядыніч, Леанід Кулакоў, Сяргей Мацкойць ды іншыя, паведамляе spring96.org.