Невядомыя вершы Анатоля Сыса выйшлі асобным зборнікам (відэа)

На падворку паэта Анатоля Сыса сабраліся сябры, блізкія і аматары ягонай творчасці. 

ЭДУАРД АКУЛІН, БАРД, СЯБАР АНАТОЛЯ СЫСА:

«Сапраўды, гэтая кніга ўнікальная. Доўгі час лічылася, што самая першая кніга Анатоля Сыса, якую ён напісаў яшчэ ў студэнцкія часы, страчаная. Сам Анатоль нам казаў, што спаліў гэты рукапіс. А насамрэч гэты рукапіс 7 гадоў нават пасля смерці Анатоля захоўваўся ў роднай хаце нашага сябра і геніяльнага паэта Беларусі».

Алесь Бяляцкі напісаў прадмову да зборніку. Разам з Эдуардам Акуліным ён прэзентаваў частку знойдзеных вершаў у часопісе «Дзеяслоў» яшчэ ў 2011-м. Пазней Алесь Бяляцкі трапіў за краты, але амаль адразу пасля вызвалення працягнуў працу над зборнікам.

На імпрэзе праспявалі песні на словы паэта і запрасілі ўсіх на афіцыйную прэзентацыю зборніку, што выйшаў пад назваю «Берагі майго юнацтва». Яна пройдзе ў Менску, у Палацы мастацтваў, 17-га чэрвеня, паведамляе Белсат.